كيفاش دير 18000 ادسنس في رمشة عين

السلام عليكم الدراري

موضوع ليوم .. هو كيفاش دير 18000 ادسنس في رمشة عين 😶 ههههههههه 🤣

اجي !! .. تصحابني غير تانضحك معاك يمكن ؟؟

لا لا راه داوي معاك بصح ا صديقي 😅 ..

الموضوع ديال ليوم .. هو :

كيفاش تخدم ادسنس في اي موقع بدون ما تدفع ليهم الموقع اصلا ..

غير لصق الكود ديال الاعلان وسط الموقع ..
تم تما كين تما كين .. تايبان .. واخا ما عمرك سيفطتيه لادسنس او اي لعبة ..

واخا يكون الموقع ماشي ديالك اصلا !

يعني غاترجع بحال ادا مزال ما داروش هاد القانون ديال اي موقع حتى يتقبل .. كيفما كان ادسنس في الاول ..

كنت تايكون عندك ادسنس واحد .. تاديرو في 1800 موقع بدون ما تسناهم يوافقو عليهم و داك التخربيق ..

كاين لي كانت خدمتو هيا يختارق المواقع .. و يلصق فيهم ادسنس ديالو و يخرج في حالو 🤣

المهم نجيو للطريقة ..

ببساطة .. خاص يكون عندك موقع واحد مقبول في ادسنس واحد ..

نفتارضو الموقع ديالك هو myweb.site و هو مقبول في ادسنس

تادخل لداك ادسنس و تاتصايب ad unit ..
يعني تصايب اعلان .. اختر اي نوع بغيتي ..

الكود ديالو تايكون مثلا بحال هدا

<script async src="https://pagead2.g...ad/js/adsbygoogle.js"></script>
<ins class="adsbygoogle"
data-ad-client="ca-pub-XXXXXXXX"
data-ad-slot="XXXX">
</ins>
<script>
(adsbygoogle = window.adsbygoogle || []).push({});
</script>

و xxxx هوما ids ديالكم ...

لي غادي يخصك تزيد هو واحد البلان

data-page-url="Www.myweb.site"

يعني داك ال ad unit .. ديما تايصحاب راسو في الموقع ديالك .. و بالضبط في الصفحة الرئيسية ..

يمكن دير رابط مقالة .. او لي حبيتي ..
المهم هو انه ادسنس خاص ال page url لي يكون فيها تكون من الموقع لي مقبول في ادسنس ..

و تاتزيدو في الكود ديال الاشهار ديالك .. يعني غايولي الكود ديالك هكدا

<script async src="https://pagead2.g...ad/js/adsbygoogle.js"></script>
<ins class="adsbygoogle"
data-ad-client="ca-pub-XXXXXXXX"
data-page-url="Www.myweb.site"
data-ad-slot="XXXX">
</ins>
<script>
(adsbygoogle = window.adsbygoogle || []).push({});
</script>

هاد الكود دابا .. فينما درتيه .. غايخدم ..
ادسنس ديما تايحسب راسو في الرابط لي عطيتيه انت ..

‎و بهدا يمكنك ان تربط بزاف دومينات .. بادسنس واحد بدون ما تدفعهم لادسنس ..

‎اذن الامر ببساطة هو اضافة هذا السطر في المود ديالكم ..

data-page-url="الموقع او المقالة ديالك هنا"

المهم لحد الان كلشي مزيان !!!!!

نديرو واحد الفرضية !!

تخيل جاتك نقرة من موقع هو ما مقبولش في ادسنس و انت حاط فيه كود ديال الاشهار ..

ادسنس تايحسب راسو في الموقع المقبول ..
ولكن النقرة .. تاتجيهم من دومين اخر .. غير مقبول

البوت بينو و بين راسو غايستغرب !!!!

اواه !! اشنو هاد العجب ؟
هد الموقع شفتو ما مقبولش و تايجيب النقرات ؟

اوطوماتيك .. غادي يمشي يطل على الموقع ديالك لي هو مزال ما مقبولش في ادسنس ...

و غايعرفو تم تم انه ما مقبولش و انت تاتغش و تادير ال url page في الكود ديال ادسنس بيدك ما تاتخليهاش تشتغل اوطوماتيك و تحدد هيا رابط الصفحة ..

نيشان غايطلع ليك ميساج بالاحمر في ادسنس ديالك .. هدا ادا ما سدوهش ليك و هناوك هههههه
في الاغلب تايجيك مساج في ادسنس غايقول ليك ارباحك في خطر .. و راه عندك شي دومينات مازال ما مقبولينش .. تأكد من انك دفعايهم لينا تديرو ليهم مراجعة ..

و ادا خليتي فيهم الاشهار !!

غايصدموك .. و مشى ادسنس في الكلام الفاحش ..

ادا !! شرحنا ليكم الطريقة ..
و عطينكم النتيجة 💥

الخلاصة هيا انه هادشي غير لعب !! ما كاين معنى !!!

ادا بغيتي تنصب على بنادم !! احححححح .. خدامة ..
تم تم .. غايبان ليه الاشهار طلع في الموقع بدون ما يوافقو عليه .. يخرج من عندك بنادم فرحااااان ناشط ..
ما عارفش اشنو جاي ليه من تم لواحد السيمانة 😇

او خدمة في فايفر .. شفتهم تسطيت بالضحك 🤣

المهم لي بغا يجرب يجرب .. ولكن ! انا بريئ من اي سيسباند ! 😂

هداد و السلام عليكم 🙏